PRAKKOM platforması hüquq tələbələrinə təqdim olundu
.jpg)
4 aprel 2026-cı il tarixində “PRAKKOM” hüquq platforması və ELSA Azərbaycan (Avropa Hüquq Tələbələri Assosiasiyası)-nın birgə təşkilatçılığı ilə hüquq tələbələri üçün seminar keçirilmişdir.
Seminar çərçivəsində müqavilələrin hazırlanması və ekspertizası zamanı diqqət edilməli əsas məqamlar qısa və praktiki şəkildə iştirakçıların diqqətinə çatdırılmış, həmçinin interaktiv müzakirələr aparılmışdır.
Tədbirin əsas hissəsini isə PRAKKOM hüquq platformasının təqdimatı təşkil etmişdir. İştirakçılar platformanın funksionallığı, təqdim etdiyi hüquqi alətlər və gündəlik hüquq praktikasında istifadəsi ilə yaxından tanış olmuşlar. PRAKKOM-un hüquqşünaslar və tələbələr üçün yaratdığı praktiki imkanlar ətraflı şəkildə nümayiş etdirilmiş, iştirakçıları maraqlandıran suallar cavablandırılmışdır.
Görüş çərçivəsində PRAKKOM platformasının fəaliyyətinə hüquq tələbələrinin cəlb edilməsi imkanları ilə bağlı da məlumatlandırma həyata keçirilmişdir.
